Boğazdakı yük gəmisi Müge Anlının villasına çırpılıb? - VİDEO

Aparıcı Müge Anlının dəniz kənarındakı villası təhlükə ilə üz-üzə qalıb.

Avtosfer.az xəbər verir ki, İstanbul Boğazında yaşanan gərgin anlar sosial şəbəkələrdə geniş müzakirə olunub.

İstanbul Boğazında, Yeniköy sahilləri yaxınlığında marşrutundan çıxan konteyner gəmisi sahilə doğru istiqamət alaraq ciddi təhlükə yaradıb.

Məlumata görə, nəzarətdən çıxan gəmi sahildə yerləşən villaya çırpılmaq üzrə olsa da, son anda dayandırılıb və toqquşmanın qarşısı alınıb.

Hadisə nəticəsində həmin villanın olduğu ərazidə qorxu dolu anlar yaşanıb.

Sosial mediada yayılan iddialara görə, təhlükə altında qalan həmin villa tanınmış aparıcı Müge Anlıya aiddir./baku.vs