Əməliyyatdan sonra ölən qadınla bağlı AÇIQLAMA - YENİLƏNİB

"VMR" Şirkətlər Qrupunun rəhbəri Vüsal Həsənov Gəncə şəhərində yerləşən "VMR Estetik" klinikasında kosmetoloji prosesdur icra olunduqdan sonra dünyasını dəyişən 1993-cü il təvəllüdlü G.Bayramovanın ölümü ilə bağlı detalları açıqlayıb.

V.Həsənov açıqlamasında bildirib ki, həmin qadın təxminən 10 gün əvvəl "VMR Estetik" klinikasında olub:

"G.Bayramova bizim estetik mərkəzdə kosmetoloji prosesdən keçib. Bizim klinikada yatmayıb və ölüm hadisəsi də başqa xəstəxanada qeydə alınıb.

Mən morqda oldum. Məlum oldu ki, o, ağciyərindəki su emboliyasından vəfat edib. Qadının ölümünün bizim klinikada keçirdiyi kosmetoloji proseslə əlaqəsi yoxdur", - deyə Vüsal Həsənov qeyd edib.

(unikal)

***

Gəncədə mədəkiçiltmə əməliyyatı olunan şəxs vəfat edib.

Avtosfer.az qafqazinfo-ya istinadən xəbər verir ki, sentyabrın 21-i Gəncə şəhərindəki özəl klinikaların birində mədəkiçiltmə əməliyyatı etdirən və həmin klinikada müalicə alan Gəncə şəhər sakini, 1993-cü il təvəllüdlü G.Bayramova dünən ölüb.

Faktla bağlı Gəncə Şəhər Prokurorluğunda araşdırma aparılır.

***

Əldə etdiyimiz məlumata görə, hadisə Gəncədə fəaliyyət göstərən "VMR Estetik" klinikasında baş verib.