Etirazçılar magistral yolları bağlayıblar, onlarla saxlanılan var

Fransada bu gün "Hər şeyi blokla" adlı yeni hərəkatın iştirakçıları ölkə boyunca magistral yollarda hərəkəti dayandıraraq kütləvi etiraz aksiyaları keçiriblər. Avtosfer.az-ın məlumatına görə, bu barədə "Report" yerli KİV-ə istinadən xəbər verir. Ölkənin Daxili İşlər Nazirliyinin məlumatına əsasən, Fransanın müxtəlif bölgələrində, o cümlədən Parisdə 75 nəfər olmaqla onlarla insan saxlanılıb. Daxili işlər naziri Bruno Retayo bildirib ki, asayişin təmin edilməsi üçün təhlükəsizlik qüvvələrinin 80 min əməkdaşı cəlb edilib. Fransa KİV-i etirazlarda 100 minə qədər insanın iştirak edə biləcəyini yazır. Etirazlar siyasi böhran fonunda keçirilir.