“Gəncə prospekti bir həftədən çoxdur qazılıb, tıxacda əziyyət çəkirik” - VİDEO

“Xətai rayonu Gəncə prospektində bir həftədən çoxdur ki, “Azəriqaz” tərəfindən qazıntı işləri aparılır. Xüsusən pik saatlarda tıxacın ucu-bucağı görünmür. Hər gün çətinliklə evə gedib çatırıq, düşünürük ki, bəlkə, sabaha düzələr. Səhər məlum olur ki, qazıntı işlərini bir az da genişləndiriblər…”

Avtosfer.az xəbər verir k, bu şikayətlə “Qafqazinfo”ya vətəndaşlar müraciət ediblər. 

Onların sözlərinə görə, yol üç hərəkət zolağından ibarət olsa da, biri ictimai nəqliyyat üçün ayrılıb: “Yolumuz 3 zolaqlıdır, onun biri avtobuslara ayrılıb, birində qazıntı aparıldığından ancaq bir zolaq qalır. İntensiv hərəkət olan yolda cəmi bir zolaq saatlarla çəkən tıxaclara səbəb olur. Biz orada hansısa iş görüldüyünü də görmürük, ancaq qazılan ərazi genişləndirilir. Qazıntı nə vaxt bitəcək, o barədə də heç bir məlumat verilmir”.

Problemlə bağlı “Azəriqaz” İB-yə sorğu ünvanlamışıq.