Günay Ağamalıdan ÜZÜCÜ XƏBƏR

“Bu gün çox kədərli bir xəbər aldım. Mənim əziz müəlliməm, həyat yolumda iz qoyan, zəhməti və qayğısı ilə yaddaşıma həkk olunan sevimli İradə müəllimə haqqın dərgahına qovuşdu”.

Avtosfer.az globalinfo.az-a istinadla xəbər verir ki, bunu deputat Günay Ağamalı deyib.

“Müəllim insanın taleyinə toxunan, gələcəyini formalaşdıran müqəddəs peşə sahibidir. İradə müəllimə öz biliyi, yüksək mənəviyyatı, xeyirxahlığı və şağırdlərinə olan sonsuz sevgisi ilə hər zaman seçilən insanlardan idi. İradə müəllimə bilik verməklə yanaşı, bizə həyatı, insanlığı, vicdanı və məsuliyyəti öyrədirdi.

Bu gün onu böyük ehtiram və minnətdarlıq hissi ilə anıram. Əminəm ki, İradə müəllimənin yetişdirdiyi minlərlə şagird onun əziz xatirəsini daim yaşadacaq, öyrətdiyi dəyərləri həyatlarında daşıyacaqlar.

İradə müəllimənin ailəsinə, doğmalarına dərin hüznlə başsağlığı verir, Uca Tanrıdan sevimli və əziz müəlliməmə rəhmət diləyirəm.

Qəlbimdə daim yaşayacaqsınız peşəsini layiqincə, sevgiylə yerinə yetirən gözəl insan! Məkanınız cənnət, ruhnuz şad olsun nur üzlüm!”, – deyə o qeyd edib.