Hörmüzdə tanker minaya düşdü

“Hörmüz boğazında İranla razılaşdırılmamış qanunsuz marşrutla hərəkət etməyə cəhd edən ikinci neft tankeri minaya düşərək partlayıb”.

Avtosfer.az “Press TV” telekanalına istinadən xəbər verir ki, bu barədə İran İslam İnqilabı Keşikçiləri Korpusunun (SEPAH) mətbuat xidməti məlumat yayıb.

SEPAH-ın məlumatına görə, minaya düşən tanker 2 milyon bareldən çox neft daşıyırmış:

“Gəmi minaya çırpıldıqdan sonra maşın şöbəsində güclü partlayış baş verib. Gəmi Hörmüz boğazından keçməzdən əvvəl naviqasiya sistemlərini qəsdən söndürüb”.

Qeyd edək ki, şənbəyə keçən gecə də eyni boğazda oxşar şəkildə başqa bir neft tankerinin minaya düşdüyü bildirilmişdi.