İntensiv hərəkətli küçədə təhlükə: Yol çöküb - VİDEO - YENİLƏNİB

Bakının Parlament prospekti ilə Badamdar şosesinin kəsişməsindəki yola baxış keçirilib.

Avtosfer.az xəbər verir ki, bu məlumatı Oxu.Az-a açıqlamasında Azərbaycan Avtomobil Yolları Dövlət Agentliyinin (AAYDA) İctimaiyyətlə əlaqələr və kommunikasiya departamentinin müdiri Anar Nəcəfli verib.

"Ərazidə yaranmış problemin səbəbi müəyyənləşdiriləcək və aradan qaldırılması üçün müvafiq addımlar atılacaq", - deyə A.Nəcəfli bildirib.

***

Bakının nəqliyyatın hərəkətinin intensiv olduğu küçədə çökmə baş verib.

Avtosfer.az xəbər verir ki, bu barədə Oxu.Az-ın qaynar xəttinə müraciət daxil olub.

Qeyd olunub ki, Parlament prospekti ilə Badamdar şosesinin kəsişməsində yolda çökmə var.

"Bu hissədə xeyli vaxtdır ki, yol çöküb. Xüsusən də günün qaranlıq vaxtı qəza riski yaranır", - deyə müraciətdə bildirilir.

Məsələ ilə bağlı aidiyyəti quruma sorğu verilib.