Körpü uçdu, 2 ölkəni birləşdirən yol bağlandı

Özbəkistanın Surxandərya vilayətində körpünün uçması Tacikistanla nəqliyyat əlaqələrini çətinləşdirib.

Avtosfer.az xəbər verir ki, Obizaranq çayına sel gəlməsi nəticəsində 50 il əvvəl tikilmiş körpü uçub və Bişkek-Düşənbə-Termez beynəlxalq magistralı bağlanıb. Uçqundan sonra M-41 magistralının bir hissəsi bağlanıb.

Bu körpü Özbəkistan, Qırğızıstan və Tacikistan arasında nəqliyyat əlaqələrində əsas istiqamət hesab edilir. Adi günlərdə körpüdən saatda 800-dək maşın keçirdi. Hazırda yol bağlı olduğu üçün avtomobillər daha uzun marşrutla hərəkət etməyə məcburdur.

Vüqar