Məktəb direktoru bıçaqlanma işi ilə bağlı məhkəmədə dindirildi

Orta məktəbdə şagirdlər arasında baş vermiş bıçaqlanma hadisəsində təqsirləndirilən Sərvan Sadıxlının (ad, soyad şərtidir) cinayət işi üzrə məhkəmə prosesi keçirilib. 

Avtosfer.az unikal-a istinadən xəbər verir ki, Bakı Ağır Cinayətlər Məhkəməsinin hakimi Firdovsi Əliyevin sədrliyi ilə keçirilən prosesdə 306 № li tam orta məktəbin direktoru Gültəkin Ədilova şahid qismində ifadə verib:

"Prosesdə iştirak edənlərin hamısı bizim məktəbin şagirdləridi. Təqsirləndirilən şəxsin təlim nəticələri zəif olduğu üçün sinifdə qalıb. O, narahat uşaq idi, dava dalaşları var idi, dərslərini yaxşı oxumurdu. Əslində 9-cü sinifdən artıq çıxmalı idi, lakin anası bizdən çıxarıb 274 nömrəli orta məktəbə apardı. Onun bizim məktəbdə sevdiyi qız var idi. Zirzəminin pəncərəsini çıxarıb məktəbə keçmişdi. Daha sonra bununla bağlı narazılıq yarandı və atasına bildirdik. Günlərin bir günü yenə də mənə deyildi ki, Sərvan (red-ad şərtidir) məktəbə icazəsiz keçib. Otağıma gətirildi və biz yenə onunla bağlı narazılığımızı bildirdik. Sonra eşitdim Sərvan bizim şagirdlər Ənəs və Fuadla dalaşıb. Bunların davasının qarşısını aldım. Mən Sərxan bildirdim ki 102-yə yığıb səndən şikayət edəcəyik. Valideynlərinə xəbər etdik. Onun belə olmasında anasının günahı var, atası amma yaxşı insan idi. Daha sonra Sərxan dərsdən sonra Ənəs və İslamla dalaşaraq ona bıçaq vurur". 

Məhkəmənin növbəti iclası avqustun 11-nə təyin edilib.

Qeyd edək ki, təqsirləndirilən yeniyetməyə qarşı Cinayət Məcəlləsinin 29,120.1-ci (Qəsdən adam öldürməyə cəhd) maddəsi ilə ittiham irəli sürülüb.