Məşhur avtomobil markasının zavodu KÜLƏ DÖNDÜ

Rusiyanın Kaluqa şəhərində yerləşən keçmiş Volkswagen zavodunun ərazisində yanğın qeydə alınıb. Avtosfer.az-ın məlumatına görə, Regional Fövqəladə Hallar Nazirliyinin nümayəndəsi RİA Novosti agentliyinə bildirib ki, yanğın barədə məlumat Kaluqa şəhəri, Avtomobil küçəsi, 1 ünvanından daxil olub.

“Yanğınsöndürmə briqadaları hadisə yerinə cəlb olunub”, – deyə qurumun nümayəndəsi qeyd edib. Yandex Maps-in məlumatına görə, sözügedən ünvan hazırda AGR Automotive Group-a məxsus olan və keçmiş Volkswagen zavodu kimi tanınan AGR zavodunun ərazisidir. SHOT Telegram kanalının yaydığı məlumata əsasən, yanğın köpük təkrar emalı üçün nəzərdə tutulmuş avadanlıqda başlayıb. Müəssisənin işçiləri təhlükəsizlik məqsədilə özləri təxliyə olunublar. İlkin məlumata görə, hadisə nəticəsində xəsarət alan yoxdur. Avtomobil küçəsində yerləşən binada baş verən yanğın təxminən 4 000 kvadrat metr ərazini əhatə edir. Yanğının söndürülməsi istiqamətində işlər davam etdirilir, qonşu ərazilərdən əlavə yanğınsöndürmə briqadaları cəlb olunub (Ajans.az).