Metal qəbulu məntəqəsindən oğurluq edən şəxs saxlanıldı

Binəqədi rayonu ərazisində yerləşən metal qəbulu məntəqələrindən birindən oğurluq edilib.
Bu barədə Avtosfer.az-a DİN-in mətbuat xidmətindən məlumat verilib.

Bildirilib ki, polis əməkdaşlarının keçirdikləri tədbirlərlə əməli törətməkdə şübhəli bilinən 26 yaşlı M.Fətəliyev müəyyən olunaraq saxlanılıb.

Saxlanılan şəxs məntəqədən ümumi dəyəri 4 min manat olan əlvan metalı oğurlayaraq satıb.

Araşdırma aparılır.