Miqrantların olduğu qayıq qəzaya uğradı, ölənlər var

Dünən gecə saatlarında Yunanıstanda miqrantları daşıyan qayığın Xios adasında qayalıq sahilə çırpılması nəticəsində iki miqrant həlak olub.

Avtosfer.az xəbər verir ki, bu barədə Yunanıstanın sahil mühafizəsi məlumat yayıb.

Məlumata görə, yanğınsöndürənlər hadisə yerindən beş nəfəri xilas ediblər, onlardan ikisi huşsuz vəziyyətdə olub. Quruda axtarışlar zamanı 24 miqrant tapılıb.

Ümumilikdə 12 nəfər Xios adasındakı xəstəxanaya yerləşdirilib, onlardan ikisi ölüb.