Özbəkistanda kuryoz: Skuter sürmək istəyən motosikletlə imtahan versin

Özbəkistanda bu gündən skuterlərlə bağlı yeni qaydalar qüvvəyə minib. 

Avtosfer.az xəbər verir ki, indi mühərrik gücü 0,25 kilovatt, sürəti 25 km/saatdan yuxarı olan skuter sahibləri A kateqoriyalı sürücülük vəsiqıəsi almalıdır.

Bu vəsiqənin alınması üçün 3 aylıq kursa getmək məcburidir.  Hökumət bu yolla skuter sürücülərini intizama dəvət etmək istəyir. Lakin, qəribəlik bu deyil.

Məsələ burasındadır ki, skuterlə bağlı praktik imtahanlar köhnə sovet motosikletləri ilə götürülür. İllərlə skuter idarə edən iddiaçıların çoxu imtahanı verə bilmir.

Səbəb budur ki, skuter elektrik mühərriki ilə hərəkətə gətirilir, heç bir ötürmələr qutusu yoxdur. Hər şey əl altındakı 2 dəstəklə həyata keçirilir. Motosikletdə isə sistem tam başqadır. 

Özbəkistanın Xalq Demokratik Partiyası bildirir ki, yeni qayda 130 minədək insanın gündəlik qazancını itirməsi ilə nəticələnəcək.

Vüqar