Polis əməkdaşları silah-sursat aşkar edərək götürüblər

Daxili İşlər Nazirliyinin (DİN) əməkdaşları tərəfindən qanunsuz saxlanılan odlu silah-sursatın aşkar olunaraq götürülməsi istiqamətində əməliyyat və profilaktik tədbirlər davamlı olaraq həyata keçirilir. DİN mətbuat xidmətindən Avtosfer.az-a verilən məlumata görə, oktyabrın 11-də polis əməkdaşları paytaxt və respublikanın ayrı-ayrı rayonlarında 3 avtomat silahı, 2 pulemyot, 3 tapança, 1 qumbaraatan, 8 tüfəng, 3 patron darağı və 6 ədəd patron aşkar edərək götürüblər.