“Prius”un sürücüsünü döyən şəxsə bəraət verildi

Bakı Apellyasiya Məhkəməsində xuliqanlıqda təqsirləndirilən Yusif Hüseynovun barəsindəki hökmdən verilən apellyasiya şikayəti üzrə məhkəmə iclası başa çatıb.

Avtosfer.az-ın Pravda.az-a istinadən məlumata görə, hakim Fərid Əyyubovun sədrliyi ilə keçirilən prosesdə qərar elan olunub.

Qərara əsasən, şikayət təmin edilib, Sabunçu Rayon Məhkəməsinin hökmü ləğv olunub, təqsirləndirilən şəxs cinayət məsuliyyətindən azad edilib və cinayət işi üzrə icraata bəraətverici əsaslar olmadan xitam verilib. İttihama görə, 09 mart 2024-cü il tarixdə, saat 14 radələrində paytaxtın Sabunçu rayonu, Sabunçu qəsəbəsi, Şəhər Şosesi küçəsində yerləşən “Bolmart” ticarət mərkəzinin qarşındakı yolda qeydə alınıb. Belə ki, Yusif Hüseynov zərərçəkmiş Vasif Mütəllimovun idarə etdiyi “Toyota Prius” markalı avtomobillə qəza şəraiti yaratmasını bəhanə edib. O, zərərçəkmişə qarşı fiziki zor tətbiq edib əli ilə sifət onun nahiyəsinə bir neçə dəfə vuraraq, qəsdən yüngül zərərvuran xəsarətlər yetirib. Hadisədən sonra Yusif Hüseynov saxlanılıb və barəsində Cinayət Məcəlləsinin 221.1-ci (xuliqanlıq) maddəsi ilə ittiham irəli sürülüb. Sabunçu Rayon Məhkəməsinin hökmü ilə Cinayət Məcəlləsinin 221.1-ci maddəsindən eyni Məcəllənin 128-ci (qəsdən sağlamlığa yüngül zərər vurma) maddəsinə tövsif edilib və ona 1500 manat məbləğində cərimə kəsilib.