Qapısı açıq qalan “Mercedes”dən oğurluq edilib

Abşeron rayonu Xırdalan şəhəri ərazisində avtomobildən oğurluq edilib. DİN mətbuat xidmətindən Avtosfer.az-a verilən xəbərə görə, zərərçəkən polisə müraciət edərək ona məxsus “Mercedes” markalı maşının içərisindən maqnitofon, geyim və digər dəyərli əşyalarının talandığını bildirib. Polis əməkdaşları tərəfindən keçirilən tədbirlə əməli törətməkdə şübhəli bilinən, əvvəllər məhkum olunmuş 22 yaşlı R.Borisov müəyyən edilərək saxlanılıb. Araşdırmalar zamanı məlum olub ki, o, gecə saatlarında parklanma yerində saxlanılan avtomobilin qapısının açıq qalmasını fürsət bilərək oğurluq edib. Araşdırmalar davam etdirilir.