Qayda pozan gənc avtomobillə toqquşmaqdan son anda xilas oldu - VİDEO

Paytaxtın Nərimanov rayonunda qayda pozan piyada anbaan kameraya düşüb.

Avtosfer.az-ın məlumatına görə, hadisə avqustun 22-də saat 18:22 radələrində Təbriz küçəsində qeydə alınıb. Görüntüdən aydın olduğu kimi, gənc oğlan yolun hərəkət hissəsindən keçərək həm özünü, həm də sürücünü təhlükəyə atıb. Bununla yanaşı piyada yalnız sol tərəfə baxaraq yolu keçdiyi üçün sağdan gələn nəqliyyat vasitəsinə görməyib. Xoşbəxtlikdən o, son anda dayanaraq avtomobillə toqquşmaqdan xilas olub.

Qeyd edək ki, yaxında piyadalar üçün nəzərdə tutulmuş keçid mövcuddur. 

Nərmin