Sərxoş sürücünün vəkili Konstitusiya Məhkəməsini çətinə saldı - Qəribə hadisə - FOTO

Rusiyanın Mari Respublikasında keçirilmiş məhkəmə prosesi bütün ölkənin diqqət mərkəzindədir.

Avtosfer.az xəbər verir ki, ötən il yol polisi motoblok (ikitəkərli mini traktor) sürücüsünü sərxoş olduğu üçün saxlayıb və traktor idarə etmək üçün olan vəsiqəsini alaraq cərimələyib.

Bundan sonra sərxoş sürücü məhkəməyə müraciət edərək qərarın ləğvini tələb edib. Onun vəkili prosesdə bildirib ki, motoblok nəqliyyat vasitəsi olmadığı üçün polisin hərəkəti qanunsuzdur.

Bu iddiaya cavab verə bilməyən hakim Konstitusiya Məhkəməsinə sorğu göndərib. Sorğuda motoblokun nəqliyyat vasitəsi olub-olmadığı barədə sual ünvanlanıb.

Konstitusiya Məhkəməsinin bu gün göndərdiyi cavabda göstərilir ki, hansısa texnikanın nəqliyyat vasitəsi olub-olmadığını müəyyən etmək məhkəmənin səlahiyyətində deyil, aidiyyatlı dövlət qurumunun işidir. Buna görə də hakim yenidən Daxili İşlər Nazirliyinə cavab verməlidir.

Vüqar Yaşaroğlu