Sumqayıtda məşhur su kanalına yenə zibil atırlar - FOTO

Sumqayıtda kanala atılan zibil müəyəyn ərazilərdə üfunətə səbəb olub.

Avtosfer.az xəbər verir ki, Samur-Abşeron kanalının Sumqayıt şəhəri ərazisindən keçən hissəsində anti-sanitar vəziyyət yaranıb. Sakinlərin sözlərinə görə uzun müddətdir ki, bəzi vətəndaşlar evlərinin tullantılarını kanala ataraq ərazidə üfunətin yaranmasına səbəb olub. Yalçın Nəsirov küçəsinin paraleli ilə axan kanalın yaxınlığından keçmək də mümkün deyil.

Yaranan vəziyyət suvarma suyu ehtiyatları ilə bağlı da narahatlıqları artırmaqdadır. Kanala atılan uşaq bezləri, eləcə də digər kimyəvi məhsullar bütövlükdə kanalın keçdiyi ərazilərdə sudan istifadədə problemlərə səbəb olur.

Sakinlər aidiyyəti qurumların məsələni dərhal araşdırmasını və problemin həllini tələb edir.

Səfər