Sürücü əl əyləcini çəkməyi unutdu, maşın dənizə düşdü - VİDEO

Türkiyənin Ədirnə şəhərinin Keşan rayonunda əl əyləcini çəkməyi unudan sürücünün avtomobili dənizə düşüb. Hadisə Saros körfəzi sahilində yerləşən Yayla kəndinin limanında baş verib.

Avtosfer.az xəbər verir ki, bayram tətilində çimərlik istirahəti üçün bölgəyə gələn, kimliyi hələlik müəyyənləşdirilməmiş sürücü avtomobilini Yayla Limanında park edib. Lakin əl əyləcini çəkmədən avtomobildən enərək çimərliyə yollanıb. Bir müddət sonra maşın hərəkət edərək birbaşa dənizə düşüb.

Hadisə şahidlərinin xəbərdarlığı ilə vəziyyətdən xəbər tutan sürücü dərhal jandarma və xilasetmə qruplarına məlumat verib. Avtomobil kranın köməyi ilə təxminən 2 metr dərinlikdən çıxarılıb.

Xoşbəxtlikdən hadisə zamanı xəsarət alan olmayıb. Avtomobilə isə ciddi maddi ziyan dəyib. 

Eltac Zülfüqaroğlu