Sürücüdən sərnişinə qarşı kobud rəftar - "Uşağını çıxarma çölə" - VİDEO

Bakıda fəaliyyət göstərən 1 saylı marşrut avtobusunun sürücüsü ilə bağlı narazılıq yaranıb.

Avtosfer.az xəbər verir ki, bu barədə “Baku.ws”ə sərnişin Sariyeva Yuliya məlumat verib.

Onun sözlərinə görə, sözügedən sürücü sərnişinlərə qarşı dəfələrlə kobud və hörmətsiz davranış nümayiş etdirib. Şikayətçi bildirib ki, sürücünün aqressiv münasibəti həm ona, həm də digər sərnişinlərə qarşı müşahidə olunub.

Sərnişinin iddiasına əsasən, son insident zamanı sürücü avtobusda olan uşağa görə narazılıq edib "Sakit qalmırsa, uşağını çıxartma çölə" kimi ifadələr səsləndirib.