Sürücünün maşında unutduğu “powerbank” görün nəyə səbəb oldu - VİDEO

Azərbaycanda sürücünün avtomobilin içərisində qoyduğu “powerbank” qəfil alışaraq yanğına səbəb olub.

Avtosfer.az xəbər verir ki, sürücü avtomobili park etdikdən sonra “powerbank”ı oturacaq üzərində qoyub. Bir müddət sonra cihaz qızaraq alışıb və avtomobilin salonunda tüstülənmə başlayıb. Hadisə şahidləri vaxtında müdaxilə edərək yanğının böyüməsinin qarşısını alıblar.

Xoşbəxtlikdən hadisə nəticəsində xəsarət alan olmayıb. Avtomobilin yalnız oturacaq hissəsi zərər görüb.

Mütəxəssislər bildirirlər ki, “powerbank” və digər portativ enerji cihazları uzun müddət avtomobildə, xüsusən də isti havalarda qoyulmamalıdır. Belə hallarda cihazlar qızaraq yanğın təhlükəsi yarada bilər.

Eltac Zülfüqaroğlu