Tanınmış futbolçuya silahlı hücum edildi: 5 nəfər həbs olunub - FOTO

Türkiyə millisinin və “Fənərbağça” klubunun sabiq futbolçusu Serhat Akına silahlı hücum təşkil etməkdə şübhəli bilinən 6 nəfərdən 5-i həbs olunub.

Avtosfer.az yerli KİV-ə istinadən xəbər verir ki, saxlanılan digər şəxs isə şərti azadlığa buraxılıb.

Veteran hücumçu ekspert kimi çıxış etdiyi televiziya proqramından sonra yolda tanımadığı şəxslərin hücumuna məruz qalmışdı.

Qeyd edək ki, 2000-2005-ci illərdə “Fənərbağça”nın formasını geyinən Serhat Akın 125 oyunda 41 qol vurub.

Xatırladaq ki, Serhat Akın ekspert kimi çıxış etdiyi proqramdan qayıdarkən sentyabrın 26-da yerli saatla 23.30 radələrində İstanbulun Beykoz rayonunun Kavacık məhəlləsində silahlı hücuma məruz qalıb. O, ayağından yaralanıb.

Namiq Musayev