Televiziya dünyasına AĞIR İTKİ

Britaniyanın tanınmış televiziya aparıcısı və jurnalisti Dermot Murnağan uzun sürən xərçəng xəstəliyindən sonra 68 yaşında vəfat edib.
Avtosfer.az xəbər verir ki. bu barədə onun ailəsi X sosial şəbəkəsində məlumat yayıb.

Bildirilib ki, dördüncü mərhələ prostat xərçəngi ilə mübarizə aparan Murnağan iyulun 11-də dünyasını dəyişib. Ailəsinin açıqlamasına görə, dəfn mərasimi yalnız yaxınlarının iştirakı ilə keçiriləcək.

Qeyd edək ki, aparıcıya 2025-ci ilin iyun ayında dördüncü mərhələ prostat xərçəngi diaqnozu qoyulmuşdu. O, həmin vaxt verdiyi açıqlamada xəstəliyin həyata baxışını dəyişdiyini və ailəsini hər şeydən üstün tutmağa başladığını bildirmişdi.

Dermot Murnağan televiziya karyerasına 1985-ci ildə başlayıb. O, müxtəlif illərdə BBC, ITV, Channel 4 və Sky News telekanallarında xəbər aparıcısı kimi çalışıb.

Jurnalist karyerası ərzində Böyük Britaniyanın bir sıra mühüm hadisələrini, o cümlədən 2011-ci ildə Şahzadə Uilyam və Keyt Middltonun toyunu, eləcə də 2022-ci ildə Kraliça II Yelizavetanın vəfatını işıqlandırıb.