Təyyarədən enən müğənni polis bölməsinə aparıldı

Britni Spirs təyyarədə siqaret çəkdiyi üçün polis bölməsinə aparılıb.

Avtosfer.az Oxu.az-a istinadən xəbər verir ki, bu barədə TMZ məlumat yayıb.

Hadisə Meksikanın Kabo San Lukas şəhərindən Los-Anceles Beynəlxalq Hava Limanına uçarkən baş verib.

Nəşrin məlumatına görə, sənətçinin şəxsi təyyarənin göyərtəsində spirtli içki qəbul edib siqaret yandırması stüardları qəzəbləndirib. Onun davranışı "problemli" kimi qiymətləndirilib.

Los-Anceles hava limanına çatan kimi Britni hüquq-mühafizə orqanlarının əməkdaşları tərəfindən qarşılanıb və ona bu cür davranışın yolverilməz olduğu barədə xəbərdarlıq edilib. Daha sonra ona hava limanını tərk etməyə icazə verilib.

Spirs hadisəni yumorla qarşılayıb və "Instagram"da hava yolları işçilərindən üzr istəyib.