Tuneli bağlayıb əyləndilər – cəriməsi ağır oldu

İstanbulun Kağıthane Tunelində 28 sentyabrda avtomobilləri ilə əsgər yola salan bir qrup şəxs yolu bağlayaraq digər sürücülərin hərəkətinə mane olub. 

Avtosfer.az türk mediasına istinadən xəbər verir ki, Tuneldə yaranan tıxacdan narahat olmayan qrup üzvləri, əsgərliyə yola saldıqları şəxs üçün şənlik edib. 

Tunel kamerasına əks olunan görüntülər polis tərəfindən araşdırılaraq hadisə ilə bağlı şəxslərin kimliyi müəyyənləşdirilib. Nəticədə H.K. (34), U.K. (23), M.A. (29), O.Ö. (30), A.A. (22), F.Ç. (29) adlı sürücülər və F.D. (23), S.E. (21), E.Y. (20), M.B. (20) saxlanılıb.

Şübhəlilərdən 6 nəfəri polis idarəsindəki ifadələrindən sonra sərbəst buraxılıb. Məhkəməyə çıxarılan digər 4 nəfər isə məhkəmə qərarı ilə məhdudiyyət şərti ilə azadlığa buraxılıb. 

Bundan əlavə, 10 şübhəliyə "Yol Hərəkəti Haqqında" Qanunun müvafiq maddələrinə əsasən ümumilikdə 27 min 894 türk lirəsi cərimə tətbiq edilib.(sonxeber.az)