Xaçmazda oğurluq edən şəxs saxlanıldı

Xaçmaz rayonunda yerləşən restoranların birində müştəriyə məxsus bank kartı oğurlanıb. Rayon Polis Şöbəsinin əməkdaşları tərəfindən keçirilən tədbirlərlə əməli törətməkdə şübhəli bilinən Saleh Sultanov saxlanılıb.

Avtosfer.az-ın məlumatına görə, araşdırmalarla müəyyən olunub ki, S.Sultanov kartı əldə edəndən sonra hesabda olan 1590 manat məbləğində pul nağdlaşdırıb.

Faktla bağlı cinayət işi başlanılıb, S.Sultanovun barəsində məhkəmənin qərarı ilə həbs qətimkan tədbiri seçilib.