Xaçmazda traktorçunu “tok” vuraraq öldürdü

Xaçmazda traktorçunu elektrik cərəyanı vuraraq öldürüb. Hadisə rayonun Köhnə Xudat kəndində qeydə alınıb.

Avtosfer.az "Bizim.Media"ya istinadən xəbər verir ki, kənd sakini, 49 yaşlı Zakir Mühyəddin oğlu Rəcəbov idarə etdiyi traktorla yüksək gərginlikli elektrik xəttinin altında işləyərkən onu cərəyan vurub və o, yerindəcə keçinib.

Hadisə yerinə polis və prokurorluq əməkdaşları gəliblər. Ölüm faktı ilə bağlı Xaçmaz rayon prokurorluğunda araşdırma aparılır.