Yasamalda telefonla danışaraq yolu keçən qadını maşın vurub öldürdü - VİDEO

Paytaxtın Yasamal rayonu, Abbas Mirzə Şərifzadə küçəsində piyadanın ölümüylə nəticələnən yol-nəqliyyat hadisəsi baş verib.

Avtosfer.az-ın məlumatına görə, qəza sentyabrın 8-də günorta saatlarında qeydə alınıb. Belə ki, “VAZ-2107” markalı avtomobilin sürücüsü yolu müəyyən olunmamış yerdən keçən 52 yaşlı qadını vurub. Piyada aldığı ağır xəsarətlərdən hadisə yerində dünyasını dəyişib. Hadisə şahidlərinin iddiasına əsasən, piyada yolu keçən zaman mobil telefonla danışıb və bu səbəbdən yaxınlaşmaqda olan maşına diqqət etməyib. Hadisə yerinə polis əməkdaşları cəlb olunub.

Qeyd edək ki, hadisə baş verən ərazidən bir neçə metr irəlidə piyada keçidi mövcuddur. 

Faktla bağlı araşdırma davam edir.

Nərmin