Zabratda ağac aşıb yolu kəsdi - FOTO

Bu gün Bakı şəhərində iri gövdəli ağac maşın yoluna aşıb. Avtosfer.az xəbər verir ki, Sabunçu rayonu Zabrat qəsəbəsində yerləşən köhnə stadionun yaxınlığında güclü külək səbəbilə ağac yola aşıb. Ağac yolun bir hissəsini bağlayaraq avtomobillərin, eləcə də piyadaların hərəkətinə maneə yaradıb.

Hadisə nəticəsində xəsarət alanın olmadığı bildirilib. Lakin sürücülər üçün yolu görmə şəraiti çətinləşib. Bəzi avtomobillər üçün məhəllədaxili yollara və əsas yola döngədə növbəlilik yarandığı üçün tıxaclar da baş verə bilər. Ağacın aşması ilə bağlı saytımıza göndərilən fotolardan məlum olur ki, onun bir neçə budağı budanıb. Bu aidiyyəti qurumlar və ya sakinlər tərəfindən edilmiş ola bilər. Lakin sakinlər saytımıza müraciət edərək bildiriblər ki, axşam saatlarında ərazidə işıqlandırma zəif olduğu üçün qəza riski artır, piyada vurulma hadisəsi baş verə bilər.

Sakinlər aidiyyəti qurumlardan məsələnin tez bir zamanda həll olunmasını xahiş edirlər.

Fidan