AADA-nın İdarə Heyətinə yeni sədr seçildi - FOTO

Martın 14-də Azərbaycan Avtomobil Dilerləri Assosiasiyasının (AADA) ümumi toplantısı keçirilib.

Avtosfer.az xəbər verir ki, toplantını giriş sözü ilə açan assosiasiyanın İdarə heyətinin sədri Natiq Zərbəliyev ölkənin ilk biznes qurumlarından biri olan AADA-nın 25 illik yubileyi münasibətilə bütün üzvləri təbrik edib, təşkilatın yaranma tarixi və görülmüş işlər, gerçəkləşdirilmiş çox sayda uğurlu layihə barədə məlumat verib.

AADA üzvləri tərəfindən N.Zərbəliyevin təşkilatın fəxri prezidenti seçilməsi təklifi səsverməyə qoyularaq qəbul edilib.

AADA-nın ali orqanı olan ümumi toplantının qərarına əsasən, assosiasiyanın İdarə Heyətinin sədri postuna, son illər təşkilatın icraçı direktoru vəzifəsini həyata keçirən Eyyub Əliyev seçilib.