Ağcabədidə marşrut avtobusları yenilənir - FOTO

Dövlət başçısının göstərişinə əsasən ölkədə ictimai nəqliyyat şəraitinin yaxşılaşdırılması, avtobus parklarının yenilənməsi istiqamətində tədbirlər həyata keçirilir.

Avtosfer.az xəbər verir ki, bu layihələrdən biri olaraq Ağcabədi şəhərində fəaliyyət göstərən marşrut avtobuslarının tamamilə yenilənməsi nəzərdə tutulub.

Belə ki, hazırda istismar edilən köhnə, yararsız nəqliyyat vasitələrinin yeni, müasir tipli “İsuzu” markalı avtobuslarla əvəzlənməsinə qərar verilib.

Bildirilib ki, istismar müddəti başa çatmış avtobuslar təhlükəsizlik və rahatlıq baxımından əhalinin təlabatına cavab vermirdi. Bununla bağlı olaraq həmin avtobusları işlədən şəxslərə xəbərdarlıq edilib, heç bir texniki təhlükəsizlik qaydalarına cavab verməyən nəqliyyat vasitələrinin dəyişdirilməsi tələb edilib. Lakin geridə qalan müddətdə yararsız avtobusların dəyişdirilməsi istiqamətində addımlar atılmayıb. Nəticədə Azərbaycan Yerüstü Nəqliyyat Agentliyinin (AYNA) göstərişi ilə Ağcabədi şəhərini əhatə edən marşrut xəttinin müasirləşdirilməsinə qərar verilib.

Qeyd edək ki, AYNA tərəfindən Bakıda, böyük şəhərlərdə və rayonlarda ictimai nəqliyyatın müasirləşdirilməsi və avtobus parklarının yenilənməsi istiqamətində ardıcıl tədbirlər həyata keçirilir. Son illərdə bir çox küçə və prospektlərə avtobus zolaqlarının çəkilməsi, Bakı, Sumqayıt, Gəncə, Naxçıvan, Xankəndi və digər böyük şəhərlərdə müasir avtobusların əhalinin xidmətinə verilməsi bunun güstəricisidir.

Köhnə avtobuslar

Yeni avtobuslar