"Air India" təyyarəsi bomba təhlükəsi səbəbindən Tailandda məcburi eniş etdi

Tailandın Phuket adasından Delhiyə uçan "Air India" şirkətinə məxsus təyyarə göyərtəsində bomba təhlükəsi olduğu xəbərini aldıqdan sonra təcili eniş üçün müraciət edib.

Avtosfer.az-ın "Reuters"ə istinadən xəbər verir ki, bu barədə Phuket hava limanı nümayəndəliyindəki mənbə bildirib.

"AI 379 reysi eniş edib və hava limanının əməkdaşları fövqəladə hallarda tədbirlər planının həyata keçirilməsinə başlayıblar", - deyə mənbə bildirib.

Xatırladaq ki, iyunun 12-də "Air India" aviaşirkətinə məxsus "Boeing 787-8 Dreamliner" sərnişin təyyarəsinin Hindistanın qərbində qəzaya uğraması nəticəsində 310-dan çox insan həlak olub.