"AZAL təyyarəsinin qəzası ilə bağlı bütün məsələlər tam həll edilib" - Rusiya XİN

Moskva və Bakı Aktau yaxınlığında Azərbaycan Hava Yollarına (AZAL) məxsus təyyarənin qəzaya uğraması ilə bağlı bütün məsələləri tam həll ediblər.

Avtosfer.az unikal-a istinadən xəbər verir ki, bunu Rusiya xarici işlər nazirinin müavini Mixail Qaluzin RTVI-yə verdiyi müsahibədə deyib.

Lakin diplomat məsələnin həssaslığı səbəbindən detallara toxunmaqdan imtina edib. Onun sözlərinə görə, bu, qurbanları və ölənlərin yaxınlarını narahat edir.

Qeyd edək ki, 2024-cü ilin 25 dekabr səhəri Qazaxıstanın Aktau şəhərindəki hava limanı yaxınlığında Azərbaycan Hava Yollarına məxsus Embraer-190 sərnişin təyyarəsi qəzaya uğrayıb. Təyyarənin göyərtəsindəki 67 nəfərdən 38-i həlak olub, 29-u sağ qalıb.