Azərbaycan vətəndaşları Misirdə hava limanında qaldılar - Səyahət şirkətindən AÇIQLAMA - VİDEO

Sosial şəbəkələrdə yayılan görüntülərdə vətəndaşlar iddia edirlər ki, səyahət şirkətinin səhvinə görə onlar Misirin Şarm əl-Şeyx hava limanında qalıblar.

Vətəndaşlar bildiriblər ki, onları aeroporta vaxtında aparmayıblar. Belə ki, 20-dən çox Azərbaycan vətəndaşından geri dönmək üçün hava limanında əlavə 250 dollar ödənilməsi tələb edilib.

Məsələ ilə bağlı "Shani Travel Azerbaijan" şirkətinin rəhbəri Şəhmir Mutuxov bildirib ki, vətəndaşların gecikməyinə səbəb tərəfdaş transfer şirkəti olub:

"Şirkətin səhv yol ölçüsü ucbatından müştərilər uçuşa gecikiblər. Şirkətimiz tərəfindən onlar əlavə uçuşla təmin edilib, problem aradan qaldırılıb".

Şirkət rəhbərinin sözlərinə görə, sosial şəbəkələrdə paylaşılan görüntülərdəki iddialar həqiqəti əks etdirmir.

Ətraflı Baku TV-nin süjetində: