Azərbaycandan keçməklə Ermənistana 1000 tondan çox Rusiya taxılı göndərilir

Bu gün Azərbaycan ərazisindən keçməklə Ermənistana Rusiya taxılı daşıyan 11 vaqondan ibarət yük qatarı "Azərbaycan Dəmir Yolları" QSC-nin Biləcəri Dəmiryol Stansiyasından yola düşür.
Avtosfer.az xəbər verir ki, taxılın ümumi çəkisi 1 023 tondur.
Daha sonra qatar Böyük Kəsik Dəmiryol Stansiyasından Gürcüstana keçəcək, oradan isə Ermənistan istiqamətində hərəkət edəcək.

Sonuncu dəfə martın 9-da Azərbaycan ərazisindən keçməklə Ermənistana 488 ton Rusiya taxılı daşıyan 7 vaqondan ibarət yük qatarı yola salınıb.

***

Rusiyadan Azərbaycan ərazisindən tranzit keçməklə Ermənistana taxıl yüklü 11 vaqon göndəriləcək.

Avtosfer.az APA-ya istinadən xəbər verir ki, sabah 1023 ton taxıl Azərbaycan ərazisindən tranzit keçməklə Ermənistana yola salınacaq.