Azərbaycandan keçməklə Ermənistana daşınan yükün həcmi açıqlandı

"Bir il ərzində Azərbaycandan keçməklə Ermənistana və Ermənistandan ümumilikdə 60 mindən çox ton yük daşınıb".

Avtosfer.az xəbər verir ki, bu fikirləri xarici işlər nazirinin müavini Elnur Məmmədov İkinci Beynəlxalq İnvestisiya forumu çərçivəsində keçirilən "Orta Dəhliz: Ticarət, sənaye və əlaqə potensialının açılması" adlı paneldə deyib.

O xatırladıb ki, Azərbaycan Ermənistana 20 min tondan çox neft məhsulu da tədarük edib:

"Hazırda iki ölkə ikitərəfli ticarətin artırılması istiqamətində işlərini davam etdirir. İndi mühüm komponentlərdən biri TRIPP marşrutudur. Multimodal tranzit marşrutu olan TRIPP artıq ideyadan reallığa çevrilir. Biz indi bu arzunu həyata keçiririk. Zəngəzur dəhlizinin, TRIPP üçün istifadə olunan digər termin olaraq, inkişafında əhəmiyyətli irəliləyiş əldə etmişik. Avtomobil yolunun 95 faizi, dəmir yolunun isə 75 faizi artıq tikilib və hər ikisinin gələn ilin birinci yarısında tamamlanması gözlənilir. Ermənistanda mühəndislik xidmətləri artıq həyata keçirilir".