Azərbaycanın Çindən avtobus idxalına çəkdiyi xərc 6 dəfə artıb

Bu ilin yanvar-may aylarında Azərbaycan 55,3 milyon ABŞ dolları dəyərində 333 ədəd avtobus idxal edib. Avtosfer.az-ın "Report"a istinadən məlumatına görə, bu, ötən ilin eyni dövrünün göstəricisindən dəyər ifadəsində 3,4 dəfə, kəmiyyət olaraq – 59 % çoxdur. Hesabat dövründə Azərbaycan Çindən 54 milyon ABŞ dolları dəyərində (1 il əvvəlki göstəricidən 6 dəfə çox) 315 ədəd (+3 dəfə), Türkiyədən 564,2 min ABŞ dolları dəyərində (-58 %) 7 ədəd (-53 %) Almaniyadan 379 min ABŞ dolları dəyərində (-78 %) 4 ədəd (-56 %) İtaliyadan 301 min ABŞ dolları dəyərində (+8,3 %) 5 ədəd (dəyişməyib) və Rusiyadan 30,4 min ABŞ dolları dəyərində (-82 %) 2 ədəd (-75 %) avtobus alıb. 2025-ci ildə Azərbaycana idxal edilmiş 877 ədəd avtobusun 82 %-i Çinin payına düşüb.