Bakıda piyada keçidindəki eskalatorlar işləmir - VİDEO

Eskalator var amma işləmir. Piyadalar yolun əks tərəfinə keçmək üçün, keçidin eskalatorundan pilləkən kimi istifadə edirlər.

Avtosfer.az Xəzər Tv-yə istinadən xəbər verir ki, bura paytaxtın Nərimanov rayonu, Ziya Bünyadaov prospektindəki yerüstü piyada keçididir. ''Karl Marks'' kimi tanınan ərazidən üzü ''Ayna Sultanova'' heykəli istiqamətində olan yerüstü piyada keçidinin bir çıxışında hər ikisi, digərində isə bir xətti işləmir. Sakinlər deyirlər ki, bu cür vəziyyət illərdir davam edir.

Keçiddən istifadə edənlər deyirlər ki, burada problem artıq müvəqqəti nasazlıq həddini çoxdan keçib. Sakinlərin sözlərinə görə, eskalatorların işləməməsi xüsusən fiziki məhdudiyyətli insanlar üçün daha ciddi problemlər yaradır. Sakinlər hesab edirlər ki, belə vəziyyət uzun müddət davam etməməli, nasazlıq vaxtında aradan qaldırılmalıdır.