Bakının mərkəzində aylardır qazılan yol təmir edilmir - VİDEO

Yolu təmir adı ilə qazdılar, amma heç bir iş görmədilər...

Avtosfer.az-ın məlumatına görə, bu şikayətlə paytaxtın Nəsimi rayonu Ruslan Cəfərov küçəsində yerləşən "Delfin Park Yaşayış Kompleksi"nin sakinləri "XəzərXəbər"ə müraciət ediblər. Bina sakinləri bildirirlər ki, yaxınlıqda yerləşən ''Capital City'' yaşayış kompleksinin rəhbərliyi tərəfindən ərazidə rahat, təmirli geniş və müasir yolun çəkilməsi barədə vəd verilib və sakinlərin istifadə etdiyi yolun asvalt qatı dağıdılıb. İşlərin 1 həftə ərzində başa çatdırılacağı bildirilsə də, sakinlər 3 aya yaxındır gözləyirlər.

Sakinlər deyirlər ki, dəfələrlə şikayətlərini bildirsələr də, onlara təmirlə bağlı hər dəfə müxtəlif vaxtlar bildirilib.

Sakinlərin şikayəti ilə bağlı "Capital City" yaşayış kompleksinin rəsmisi Kamil Məmmədov bildirib ki, bir həftə ərzində sakinlərin problemi öz həllini tapacaq. Şirkət təmir işlərini başa çatdıraraq bina sakinlərini daha səliqəli və asfaltlanmış yolla təmin edəcək.