Bu xanıma yüksək vəzifə verildi - FOTO

Azərbaycan Dövlət Dəniz Akademiyasına (ADDA) yeni rektor əvəzi təyin olunub.

Avtosfer.az xəbər verir ki,Ölkə.az-ın əldə etdiyi xəbərə görə, bu barədə “Azərbaycan Xəzər Dəniz Gəmiçiliyi” Qapalı Səhmdar Cəmiyyətinin İdarə Heyətinin sədri Əfqan Cəlilov müvafiq əmr imzalayıb.  

Əmrə əsasən, ADDA rektoru səlahiyyətlərinin icrası İradə Süleymanovaya həvalə olunub. 

O, akademiyanın tədrisin təşkili və idarə edilməsi üzrə prorektorudur. 

“Azərbaycan Xəzər Dəniz Gəmiçiliyi”ndən məlumatı Ölkə.az-a təsdiqləyiblər. 

“ADDA-nın fəaliyyətinə müvəqqəti rəhbərliyi İradə Süleymanova həyata keçirir”, - qurumdan bildirilib. 

Qeyd edək ki, İradə Əli qızı Süleymanova əslən Qərbi Azərbaycandandır.

O, 2014-2024-cü illərdə Bakı Dövlət Universitetinin SABAH Mərkəzinə rəhbərlik edib. 2024-2026-cı illərdə Qarabağ Universitetinin Tələbələrlə İş şöbəsinin müdiri vəzifəsində işləyib. 

Xatırladaq ki, ADDA-nın əvvəlki rektor əvəzi akademiyanın elmi işlər və beynəlxalq əlaqələr üzrə prorektoru Eldar Qocayev idi.