Canlı yayımda söyüş söyən gənc SAXLANILDI

Sosial şəbəkələrdə qeyri-etik hərəkətlər edən daha bir nəfər saxlanılıb.

Avtosfer.az Lent.az-a istinadla xəbər verir ki, 24 yaşlı Nihad Əbdülov (şərti adla) tiktokda özünə məxsus səhifədə canlı yayım açaraq, nalayiq ifadələr işlədib. Bununla da ictimai mənəviyyatı təhqir edən əməllərə yol verib.

Nəticədə o, polis əməkdaşları tərəfindən saxlanılaraq, barəsində İnzibati Xətalar Məcəlləsinin 510.2-ci (internet informasiya ehtiyatında və ya informasiya-telekommunikasiya şəbəkəsində kütləvi nümayiş etdirildiyi halda ictimai mənəviyyatı təhqir edən, cəmiyyətə açıqca hörmətsizlik ifadə edən hərəkətlərin edilməsinə, yəni əxlaqsız ifadələrin səsləndirilməsinə və ya belə məzmun təəssüratı yaradan jestlərin edilməsinə, yaxud insan bədəninin hissələrinin əxlaq normalarına və milli-mənəvi dəyərlərə zidd formada göstərilməsinə görə) maddəsilə protokol tərtib olunub.

Nihad Əbdülov ifadəsində əməlindən peşman olduğunu və canlı yayım zamanı sərxoş olmasını deyib. O, həmçinin qanuni bilmədiyini əsas gətirərək, barəsində ədalətli qərar verilməsini istəyib.

Məhkəmənin qərarı ilə Nihad Əbdülov 500 manat məbləğində inzibati qaydada cərimələnib.