“Cəfər Cabbarlı” metrostansiyasında işlər başa çatmaq üzrədir

Bakı metrosunun “Cəfər Cabbarlı” stansiyasında işlər başa çatmaq üzrədir.

Bunu “Bakı Metropoliteni” QSC-nin sədr müavini Hidayət Məmmədov deyib.

O bildirib ki, stansiyada artıq örtük elementlərinin quraşdırılması işləri həyata keçirilir: “Cəfər Cabbarlı” stansiyasının növbəti dövrlərdə xətlərin ayrılması ilə bağlı ən vacib stansiyalardan biri olmasını nəzərə alaraq əsaslı şəkildə bütün təmir işləri həyata keçirilib. Qısa zamanda, işlər yekunlaşdırılacaq və stansiya sərnişinlərin istismarına veriləcək”.