Daha bir baş həkimi işdən çıxardı

Bakıda daha bir tibb müəssisəsinin baş həkimi vəzifəsindən azad olunub.

Avtosfer.az-ın əldə etdiyi xəbərə görə, bu barədə "Tibbi Ərazi Bölmələrini İdarəetmə Birliyi" (TƏBİB) icraçı direktoru Anar Bayramov müvafiq əmr imzalayıb.

Əmrə əsasən, Zığ Sağlamlıq Mərkəzinin baş həkimi Naibə Əzizova işdən çıxarılıb.

Digər əmrlə, Şəlalə Səfərova mərkəzin baş həkimi təyin olunub. O, bundan əvvəl Xətai rayonundakı 7 saylı Şəhər Poliklinikasının baş həkimi vəzifəsində çalışıb. (Ölkə.az)