Dövlət qurumlarının 152 maşını gələn il hərraca çıxarılacaq

2026-cı il yanvarın 13-də saat müxtəlif dövlət qurumlarının balansında olan 152 nəqliyyat vasitəsi hərraca çıxarılacaq.

Avtosfer.az Əmlak Məsələləri Dövlət Xidmətinə istinadən xəbər verir ki, hərracda avtobuslar, minik avtomobilləri və yük maşınları satışa təqdim ediləcək.

Nəqliyyat vasitələri Daxili İşlər Nazirliyinin Daxili Qoşunlarına, Ekologiya və Təbii Sərvətlər Nazirliyinə, Dövlət Təhlükəsizliyi Xidmətinə, Rəqəmsal İnkişaf və Nəqliyyat Nazirliyinin Yerüstü Nəqliyyat Agentliyinə və Müdafiə Nazirliyinə məxsusdur.

Qeyd olunan nəqliyyat vasitələrinin bir hissəsi dəfələrlə hərraclarda satılmadığı üçün qiymətlərə endirimlər edilib.

Hərraca çıxarılan nəqliyyat vasitələri ilə bağlı geniş məlumatı buradan oxuya bilərsiz.