Əvəz Zeynallının məhkəməsi onlayn keçiriləcək - YENİLƏNİB

“Xural” TV-nin həbsdə olan rəhbəri Əvəz Zeynallının məhkəməsi keçirilir.

Avtosfer.az unikal-a istinadən xəbər verir ki, məhkəmə iclası qapalı keçirilir.

Onlayn formatda keçirilən iclasa Nizami Rayon Məhkəməsinin hakimi Nigar Qədirli səbrlik edir.

***

Bu gün “Xural” TV-nin həbsdə olan rəhbəri Əvəz Zeynallının məhkəməsi keçiriləcək.

Avtosfer.az unikal-a istinadən xəbər verir ki, Əvəz Zeynallı məhkəmə iclasına onlayn qoşulacaq.

Saat 15:15-də başlaması nəzərdə tutulan iclasda Əvəz Zeynallının cəzasının çəkilməmiş hissəsindən azad edilməsi məsələsi müzakirə ediləcək. Burada qərarı hakim Nigar Qədirli qəbul edəcək. 

Qeyd edək ki, Əvəz Zeynallıya bir müddət əvvəl xərçəng diaqnozu qoyulub. Bununla bağlı onun vaxtından əvvəl azadlığa buraxılması barədə müraciət edilib. Qanuna görə, məhkum ağır xəstəliyə tutularsa, cəzaçəkmədən azad edilə bilər. 

Cinayət Məcəlləsinin 311.3.3, 311.3.4, 312.2-ci maddələri ilə ittiham olunan Əvəz Zeynallı Bakı Ağlr Cinayətlər Məhkəməsin hökmünə əsasən, 9 il müddətinə azadlıqdan məhrum etmə cəzasına məhkum edilib.

Ali Məhkəmə Əvəz Zeynallının şikayətini qismən təmin edərək cəzanı 2 ay azaldıb.