Hava nəqliyyatı ilə daşınan sərnişinlərin sayı açıqlandı

Bu ilin yanvar-aprel aylarında Azərbaycanda hava nəqliyyatı ilə 1 milyon 218.9 min sərnişin daşınıb. Avtosfer.az xəbər verir ki, bu göstərici ötən ilin eyni dövrü ilə müqayisədə 39.4 min sərnişin və ya 3.34% çoxdur. Qeyd edək ki, 2025-ci ilin yanvar-aprel aylarında hava nəqliyyatı ilə 1 milyon 179.5 min sərnişin daşınıb. Hesabat dövründə hava nəqliyyatı ilə 115.2 min ton yük daşınıb. Bu isə illik müqayisədə 14.9 min ton və ya 11.45% azalma deməkdir. Ötən ilin eyni dövründə hava nəqliyyatı ilə 130.1 min ton yük daşınıb.