İtaliyanın yanacaq qiymətlərini tənzimləmək üçün maliyyə resursları tükənir

İtaliya hökumətinin avtomobil yanacağının bahalaşmasının qarşısını almaq üçün, demək olar ki, heç bir maliyyə vəsaiti qalmayıb.

Avtosfer.az xəbər verir ki, bu barədə İtaliyanın "La Repubblica" qəzeti məlumat yayıb. Bildirilib ki, ölkə rəhbərliyinin qapalı iclasında yanacaq üçün aksiz vergilərinin ləğvi ilə bağlı fərmanın hazırlanması müzakirə olunub. Bu qərarın mayın 1-nə qədər qüvvədə qalacağı gözlənilir. Bildirilib ki, bu qərar dövlət büdcəsinin bütün vəsaitlərinin sonuna qədər sərf edilməsi hesabına başa gələcək.

İtaliyanın iqtisadiyyat və maliyyə naziri Cankarlo Corcettinin sözlərinə görə, bu hal, böyük xarici borcu olan ölkəni ümumavropa regionunda son dərəcə həssas vəziyyətə salır.

"Əgər müharibə (ABŞ və İran arasında) davam edərsə, benzinin qiyməti 3 avroya qədər yüksələ bilər", - deyə qəzet nazirin çıxışından sitat gətirib.