Maşını gecə park edərkən bu səhvi etməyin

Avtomobili gecə park edərkən sürücülərin yol verdiyi bəzi səhvlər səhər saatlarında xoşagəlməz vəziyyətlərə səbəb ola bilər.

Avtosfer.az milli.az-a istinadla xəbər verir ki, xüsusilə avtomobili ağacların altında və ya işıqlandırılmayan ərazilərdə saxlamaq riskli hesab olunur. Ağacların altında park edilmiş avtomobilin üzərinə gecə ərzində budaq, yarpaq və digər əşyalar düşə, zəif işıqlandırılan ərazilərdə isə avtomobilin görünməsi çətinləşə bilər.

Mütəxəssislər avtomobili mümkün qədər işıqlı, təhlükəsiz və icazə verilən ərazidə park etməyi tövsiyə edirlər. Həmçinin gecə saatlarında avtomobili yolun kənarında saxlayarkən digər nəqliyyat vasitələrinin onu rahat görə bilməsinə diqqət yetirmək lazımdır.

Xüsusilə yağışlı və küləkli havalarda ağacların altında avtomobil saxlamaqdan çəkinmək daha məqsədəuyğundur.