Orta Dəhlizlə Qazaxıstan ərazisindən daşımaların həcmi təqribən 2,8 milyon ton olub

Keçən il Trans-Xəzər Beynəlxalq Nəqliyyat Marşrutu (Orta Dəhliz) ilə Qazaxıstan ərazisindən daşınan yüklərin həcmi təxminən 2,8 milyon ton təşkil edib ki, bu da əvvəlki illə müqayisədə 35% artım deməkdir. Avtosfer.az "AZƏRTAC"a istinadla xəbər verir ki, nazir Arman Şakkaliyev bunu Daşkənddə keçirilən Mərkəzi Asiya ölkələri və Azərbaycanın Ticarət və İnvestisiya Nazirləri Şurasının ilk iclasında açıqlayıb. O bildirib ki, Qazaxıstan tərəfi tarif siyasətinin koordinasiyasını gücləndirmək, logistika proseslərinin rəqəmsallaşdırılmasını sürətləndirmək, infrastrukturu modernləşdirmək, həmçinin biznes xərclərini azaltmaq və dəhliz tutumunu artırmaq üçün “kağızsız ticarət” mexanizmlərinin tətbiqini təklif edib.